الرومانسى
اهلا وسهلا بك فى منتديات الرومانسى
برجاء تسجيل الدخول

الرومانسى

اغانى - برامج - افلام - ترفيه - رياضة - ثقافه - فن
 
الرئيسيةالتسجيلدخول
اهلا وسهلا بكم فى بيتكم التانى نرجوا ان تستمتعو معنا بكل ما هو مميز وتشاركونا التميز

شاطر
 

 مش هارتبط الا رسمي°♥°

اذهب الى الأسفل 
كاتب الموضوعرسالة
غرام
عضو مشارك
عضو مشارك
غرام

انثى عدد المساهمات : 48
تاريخ التسجيل : 20/07/2011
العمر : 23

مش هارتبط الا رسمي°♥° Empty
مُساهمةموضوع: مش هارتبط الا رسمي°♥°   مش هارتبط الا رسمي°♥° Icon_minitimeالأحد 24 يوليو 2011, 5:07 pm

بسم الله الرحمن الرحيم

قبل ما ابدأ كلامي الكلام ده موجه لكل بنات النبي المستسلمين لله عز وجل وواثقين فيه تمام الثقة

ومن هنا اسيبكم مع:

اول حملة علي بنات علي الطريق الصح

هي

مش هارتبط الا رسمي...بتحبني...اطلبني من اهلي

طبعا موضوع الارتباط الغير رسمي زاد جدا في وقتنا الحالي

رغم ان الموضوع ده ليه اضرار مش بس دينيا لا كمان علي الجانب الشخصي والاسري والاجتماعي

انا مش هاقول ليكم الكلام العادي اللي علطول بنسمعه ...هافكر معاكم واثبت انك خسرانه 100% من موضوع الارتباط الغير رسمي

هانتفق مع بعض
الحب مش حرام ابداااا ..بالعكس الرسول لما كان بيلاقي اتنين بيحبوا بعض بيقول زوجوهم لان ده الحل الوحيد وطبعا ايام زمان مش كان الجواز حاجة صعبة زي دلوقتي...وده اختبار لينا

بس اللي بيحصل بمسمي اني بحبه....هو اللي غلط

هاتسألي ليه غلط اننا نرتبط قبل الخطوبة؟

هاقولك...اذا كان الخطوبة ليها قواعد وشروط زي مش يمسك ايديك ابدااا ولا يلمسك ...وان مش ينفع تخرجوا مع بعض ابداا لوحدكم و مش ينفع كلام رومانسي بينك وبين اللي بتحبيه لانه لسه مش جوزك وشروط كتير

يبقي ازاي تخرجوا مع بعض وتقعدوا جنب بعض والكلام اللي بيحصل قدامنا علطول

اكيد الحرام مبهر وطعمه حلو ... بس مهما كان حرام عمرك ما هاتحسي انك مرتاحة طول ما بتكدبي علي اهلك و بتسمحي لنفسك ان واحد مهما كان كويس يقولك راحة فين و يقفل في وشك السماعة لما تضايقيه
وهو حتي مش خطيبك قدام ربنا ولا اهللك ولا الناس...بعدين اللي اعرفه ان الحياة مش بتكون بمبي في معظم الاوقات وانتي مرتبطة كده

انتي عزيزة عارفة ليه...لانك عبده العزيز رب العالمين

انتي بنت ناس محترمين...وبنات الناس المحترمة اللي عايزهم يجيلهم لحد بيتهم

هاتقولي طيب ازاي اعرف انه اللي عايزاه ...مش ارتبط بيه احسن ما افسخ الخطوبة قدام الناس

طبعا مفهوم فسخ الخطوبة عيب وازاي ده حاجة سيئة جدا...لازم نغير المفهوم ده والتقاليد اللي مش ليها اي اساس من الصحة

والحل بسيط جدا حددي اسئلة واساسيات لازم تكون في شريك حياتك و في الاسلام قبل الخطوبة ممكن الشاب يجي قدام اهلك لانك عزيزة ومش اي حد يقدر يوصلك يجي بيتكم ويقعد معاكي مرتين او 3 مرات تشوفي اخلاقه واهدافه
وطبعا لازم يكون في توافق اجتماعي و اخلاقي و طبعا الدين والمباديء وطريقة التفكير

لازم تثقي في ربنا وتتوكلي عليه

وتقولي توكلت عليك يا وكيل
وتقولي للي بتحبيه ان مش ينفع تتكلموا الا لما ترتبطوا رسمي...وانكم هاتسيبوا بعض مؤقتا
عشان ربنا يبارك ليكم في حياتكم
عارفة يعني ايه ربنا يبارك في حبكم بعد الجواز
!!!!!
هاتقولي ممكن يسيبني!!!يبقي مش يستاهلك
هايسيبك عشان انتي قولي هاتقي ربنا!!!!مفيش مقارنة بين انك تختاري ربنا و انك تختاري اللي بتحبيه

وَمَنْ يَّتَّقِ اللهَ يَجْعَلْ لَّهُ مَخْرَجاً
ده وعد من ربنا

ومن تعجّل شيئاً قبل أوانه عوقب بحرمــــــانه

بعدين القلوب ربنا بيقلبها....يعني ممكن مش تسبيه وتلاقيه مش بقي بيحبك او حتي انتي مش بقيتي بتحبيه

ااو ممكن تتجوزا بس مش هاتعيشوا سعداء....عارفة ليه لان ربنا هاينزع البركة

بعدين ايه يساوي الرعب ان اهله اواهلك مش عارفين..وياتري هايوافقوا ولا لأ؟؟؟وياتري ايه اللي هايحصل؟؟


"ولا يحملنكم استبطاء الرزق أن تأخذوه بمعصية الله، فإن الله لا ينال ما عنده إلا بطاعته". رواه البزار، وصححه الألباني

يعني الاحسن انكم في اي حال من الاحوال مش تتكلموا..لانكم لو مش في نصيب بينكم مش هاتكوني اتعلقتي بيه لدرجة ان مش ينفع يوم يعدي الا ما تكلميه ..ولو حصل نصيب بينكم ياسلاااام علي رضا ربنا ^_^

خلي شعارك:
مش هاغصب ربي عشان حد
وهرضي ربي علي حساب اي حد
عايزني...بيتنا مفتوح
مش عايزني...يبقي كل شيء قسمه ونصيب

هااااا.عندك الشجاعة انك تضحي بحاجة غالية عليكي عشان ربك ؟؟؟
هاتيجي معانا ...وهاتقولي انا مستسلمة ليك يارب العالمين؟؟؟
هاتحملي مسؤلية تربية جيل مسلم مؤمن بالله لما تكوني ام باذن الله؟؟؟
هاتقولي يارب انا عايزة اكون من الشباب اللي نشأ في عبادة الله وربنا هايظلهم تحت ظله في يوم لا ظل له؟؟؟

يبقي خلاص
قوووولي انا مستسلمة ليك يارب العالمين....وتوكلت عليك مهما حصل اكيد هايكون خير ليا
لاني عجلت اليك ربي لترضي

يلا انتي معانا ؟؟؟؟
الرجوع الى أعلى الصفحة اذهب الى الأسفل
 
مش هارتبط الا رسمي°♥°
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الرومانسى :: المنتديات الادبيه :: عذب الكلام-
انتقل الى: